Бүйрек жұмысқа толығымен жарамсыз болғанда

Бүйрек – өмірлік маңызы аса зор мүше, қанды тазартады және оның химиялық теңгерімін реттейді. Сау бүйрек, шамадан тыс суды және зат алмасу өнімдерін шығару арқылы қанды тазартады. Сонымен қатар, сүйекті – қатты күйде, ал қанды – таза күйде сақтап тұратын гормондарды түзеді.

Бүйрек аурулары

Егер бүйрек зақымданатын болса, науқастың дәретке баруы мүлдем тоқтайды немесе шығатын зәр мөлшері біршама кемиді, ал тіршілік ету өнімдерінің шығуы жалғаса береді. Қанда осындай тіршілік ету өнімдері мен су жинала береді. Мұндай күй уремия деп аталады. Қол мен аяқтың ісінуі, демікпенің пайда болуы мүмкін. Күретамырдағы қан қысымының көтерілуі мүмкін, ағзаның эритроциттерді түзуі төмендейді. Тез шаршау, жүректің айнуы, тәбеттің жоғалуы байқалады. Уремия, емдеу болмаған кезде талмаға немесе естің жоғалуына соқтырады, нәтижесінде өлімге ұшыратады.

Бүйректің жалпы жұмысқа қабілеттілігінің 15 пайызға дейін жоғалуы және одан төмен болуы – бүйрек ауруы деп аталады. Бүйректің жоғалған жұмысқа қабілеттілігін қалыпқа келтіретін жалғыз амал – диализ немесе трансплантация.

Бүйрек қызметін алмастыру

Жақында бүйрек жетіспеушілігі диагнозы қойылған науқас үшін диализге байлану жағдайын елестетудің өзі бір үлкен үрейге бөлеуі мүмкін. Күтілетін диализдік емшараларға байланысты эмоциялық жайсыздануды азайту үшін алдын ала осындай өмірді құтқаратын емшараға физикалық, ақыл-ес және эмоциялық тұрғыдан өзіңді дайындап қоюың керек.

Науқастың бұл емшаралық үрдістерді барынша ерте жоспарлағаны абзал, бұл өмірдің жаңа кезеңіне дайындайды. Сіздің медициналық тобыңыз Сізбен бірге емдеу әдістерін талқылайды және Сіздің медициналық қажеттіліктеріңіз бен дербес мұқтаждығыңызға сай түрін таңдауға көмектеседі. Көбіне диализге және бүйректі ауыстырып қондыруға дайындау жұмысы бір мезетте басталады.

Бүйрек жұмысқа толығымен жарамсыз болғанда